Words and Notion

Words Whipping up Whimsical Waves of Notion


30 Comments

ഓം..ഓം…

ഇല്ല, ഇനി ഞാന്‍ നിന്നെ കൈ വിട്ടുകളയില്ല. ഇത്തവണ എന്തായാലും ഞാന്‍ കെയര്‍ഫുള്‍ ആയിരിക്കും.എന്നെ പറ്റിച്ചു കടന്നു കളയാമെന്നു നീയും കരുതണ്ട.

ഓങ്കാരമുരുവിട്ടുകൊണ്ട് ഞാന്‍ നിന്നെ ബന്ധിക്കട്ടെ.

ശരി, ഞാന്‍ കണ്ണടക്കുന്നു. എന്നെ ഒളിച്ചു കടക്കാമെന്നു കരുതണ്ട.

കണ്ണടക്കുമ്പോളെന്തിനാ ഇരുട്ട് വരുന്നത്? കണ്‍പോളകള്‍ ഇല്ലായിരുന്നെകില്‍ എന്‍റെ കണ്ണു തുറന്നല്ലെ കിടക്കുന്നത്. അപ്പൊ പിന്നെ, കണ്‍പോളകള്‍ അടച്ചാലും കണ്ണിനു അതിനു മുന്പിലുള്ള വസ്തുവിനെ സെന്‍സ് ചെയ്യാന്‍ പറ്റേണ്ടതല്ലെ, അതായതു കണ്ണടച്ചിരിക്കുമ്പോള്, അടഞ്ഞ കണ്‍പൊളയല്ലേ കാണേണ്ടത്? അല്ലാതെ ഇരുട്ടും മനസ്സിലാകാത്ത കുറെ ചിത്രങ്ങളും ആണോ?

എന്താണിത് ഇപ്പൊ, ഇരുട്ടല്ല, മറിച്ചു എന്തോ വെട്ടിത്തിളങ്ങുന്ന പൊലെ..ഇനി പണ്ടു കണ്ണന്‍റെ വായില്‍ യശോദ കണ്ട പൊലെ ഒരു മായ പ്രപഞ്ചം വല്ലതുമാണോ?

ഓഹോ.. നീ വീണ്ടും കടന്നു കളഞ്ഞു, അല്ലേ..? കണ്ണടച്ചാല്‍ ഒരു പ്രപഞ്ചം തന്നെ ഉണ്ടക്കാമെന്നാണോ?

മനസ്സേ, ഞാന്‍ നിന്നെ ധ്യാനിക്കാന്‍ വിട്ടതല്ലെ….

ഓം..ഓം…(വീണ്ടും ശ്രമം തുടരുന്നു)

Advertisements


10 Comments

ഞെക്കി പഴുപ്പിച്ച പഴത്തിനു മധുരമുണ്ടാവില്ല

നിര്‍ബന്ധബുദ്ധി നല്ലതു തന്നെ, അതു മനസ്സിന്‍റെ ദ്റുഢതയെ ഊട്ടിയുറപ്പിക്കുമെങ്കില്‍.

പക്ഷെ, ഞെക്കി പഴുപ്പിച്ച പഴത്തിനു മധുരമുണ്ടാവില്ല.

ഇതറിയാഞ്ഞിട്ടാവും പലരും അനവസരത്തിലും നിര്‍ബന്ധബുദ്ധിക്കാരാവുന്നത്.


18 Comments

എന്‍റെ വിധേയത്വം

എന്‍റെ വിധേയത്വം ഒരിക്കലും എന്‍റെ കഴിവുകേടല്ല. അതു ഞാന്‍ അറിഞ്ഞുകൊണ്ടുതന്നതാണു.

ഇനിയത് ഒരിക്കലും അടര്‍ത്തിമാറ്റാനാവാത്ത വിധം എന്‍റെ ഹൃദയസ്പന്ദനത്തോടലിഞ്ഞു ചേര്‍ന്നുപൊയി.


39 Comments

Fake smile…കൃത്രിമച്ചിരി

Have a fake smile if you don’t have a real one..

At least it’s good for your facial muscles..

And who knows if it’s gonna glued in your face forever..

അതൊരു വ്യാജന്‍ ആണെന്നു ഉറപ്പു തന്നെ. എന്നാലും കൊള്ളാം. മുഖം വലിച്ചു നീട്ടി ഒരു കൃത്രിമച്ചിരി വരുത്തിയപ്പൊ പേശികളൊക്കെ ഒന്നു അയഞ്ഞു, ബലം പിടിത്തമില്ലാത്ത ഒരു കോമണ്‍ മാന്‍ ആയി. 


22 Comments

അപമാനത്തെ ഭയക്കുന്നവനെങ്ങനെ അഭിമാനിയാകും?

അരൂപി 1: പുതിയ അഡ്മിഷന്‍ ആണോ..ഇന്നലെ എവിടെ കണ്ടീല്ലല്ലോ?

അരൂപി 2: ഞാന്‍ ഇന്നലെ എത്തി. പക്ഷെ അകത്തു കടക്കന്‍ വലിയ ക്യൂ ആയിരുന്നു. നമ്മള്‍ മലയാളികള്‍ തിക്കും തിരക്കുമില്ലാതെ വരിവരിയായി നില്‍ക്കുന്ന കാഴ്ച കണ്ടപ്പോള്‍ മനസ്സു നിറഞ്ഞു പോയി.

അരൂപി 1: ഹഹ..ഇവിടെ മല്ലുവും നോണ്‍ മല്ലുവും ഒക്കെ ക്യൂ നിന്നേ മതിയാകൂ. അതിരിക്കട്ടെ, എങ്ങനെ ഇവിടെ എത്തി? കണ്ടിട്ടു വലിയ പ്രായമൊന്നും തോന്നുന്നില്ലല്ലോ?

അരൂപി 2: വഴിയേ പോയ ഒരു അമ്മൂമ്മയുടെ ദേഹത്തൊന്നു മുട്ടിയെന്നു പറഞ്ഞു തുടങ്ങിയ പ്രശ്നമാ.അവസാനം പീഡിപ്പിച്ചെന്നു വരെയായി.എന്‍റെ നിരപരാധിത്തം ആരു കേള്‍ക്കാനാ..? നാട്ടുകാരുടെ മുഖത്തു നോക്കാന്‍ വയ്യാതായി. അഭിമാനിയായ എന്‍റെ മനസ്സിനു പിടിച്ചു നില്‍ക്കാന്‍ വയ്യതായപ്പോള്‍ ഒരു മുഴം കയറില്‍ എല്ലാം അങ്ങു തീര്‍ത്തു.

അരൂപി 1: ഓഹോ അപ്പൊ, അപമാനം ഭയന്നു തൂങ്ങി മരിച്ച അഭിമാനിയാണല്ലേ?

ചിന്താശകലം : അപമാനത്തെ ഭയന്നോടുന്നവന്‍ സത്യത്തില്‍ അഭിമാനിയാണോ?ചിലപ്പൊ ഭീരുവായ അഭിമാനിയായിരിക്കും.


11 Comments

ഹൃദയത്തിന്‍റെ ഭാഷയില്‍

എന്നോര്‍മ്മകളിലൊരു തണലായ

ലിഞ്ഞില്ലാതാവാന്‍ നീയോര്‍ത്തു

വെന്നാലറിഞ്ഞീടുക, ബന്ധനം

ചെയ്തു ഞാന്‍ നിന്നെയേറെ മുമ്പേ

മഞ്ഞു പെയ്യുമീയിലപ്പടര്‍പ്പിനുള്ളിലായ്

 


28 Comments

മദ്യം സുബോധം ഉണര്‍ത്തുമോ?

മദ്യപാന്മാര്‍ ബോധം നശിച്ചു പറയുന്നതെങ്ങനെ അസത്യമാകും?
അബോധാവസ്ഥയില്‍ പുലമ്പുന്നതാവും യാഥാര്‍ത്ഥ്യം